Charlas

Como se fai accesible un videoxogo? Poden as persoas con discapacidade xogar en igualdade hoxe en día? Javi Andrés, xornalista especializado en videoxogos e accesibilidade, repasa e ensina nesta charla para game makers e calquera persoa interesada algúns dos videoxogos comerciais referentes en accesibilidade. 

Tamén amosará listados e demos de videoxogos fora do circuíto comercial masivo, especificamente creados para o disfrute de persoas con discapacidade, ferramentas para facer accesible un videoxogo xa desde o propio proceso creativo e do desenvolvemento do produto, adaptacións, trucos e consellos para configurar un videoxogo convencional atendendo ás necesidades específicas de cada perfil, usos enxeñosos das novas tecnoloxías, o estado actual do movemento regulado e a procura do dereito ao lecer en igualdade de todas as persoas, sumando a vertente empresarial e a oportunidade mercantil de producir sen descoidar ao público con discapacidade, moitísimo máis grande e atractivo do que moitas persoas imaxinan…