Que é o CTI
O CTI é o Centro de Tiflotecnología e Innovación e depende da Dirección de Autonomía Persoal, Accesibilidade, Tecnoloxía e Innovación da dirección Xeral da ONCE. A súa estrutura está configurada nunha Dirección Técnica e tres departamentos:
- Departamento de Coordinación e Talento
- Departamento Comercial e Atención ao Usuario
- Departamento de Consultoría e Innovación
A Dirección Técnica ten como misión implantar e desenvolver as liñas de traballo establecidas para o centro en materia tecnolóxica, establecendo prioridades, así como obxectivos claros e concretos. É a encargada de analizar os proxectos para desenvolver en cada exercicio, avaliando o beneficio para o usuario e a viabilidade técnica dos mesmos.
O Departamento de Coordinación e Talento, a través das súas diferentes áreas, ten as seguintes funcións:
- Área de RRHH e Formación. Planifica a necesidade de persoal e a súa contratación e encárgase de facer chegar ao persoal os plans de formación que establece a ONCE para os seus traballadores.
- Área Económica-financeira. Coordina a xestión dos recursos económicos e a elaboración de análise de custos periódicos.
- Área de Mantemento e Servizos auxiliares. Entre as súas funcións, atópanse a coordinación dos servizos xerais do Centro, mantemento, limpeza, seguridade, Prevención de Riscos Laborais etc.
- Área de Xestión de calidade. É responsable do mantemento do Sistema de Xestión de Calidade operativo no Centro, que cumpre os requisitos de ISO 9001:2015.
O Departamento Comercial e de Atención ao Usuario, a través das súas diferentes áreas, ten as seguintes funcións:
- Tramita a incorporación aos circuítos comerciais de novos produtos tiflotécnicos, unha vez verificada a súa adecuación ás necesidades do mercado ao que nos diriximos.
- Xestiona a relación comercial nacional e internacional (compras e vendas de produtos de apoio do noso catálogo).
- Ocúpase da xestión dos materiais concedidos como adaptación de postos de estudo/traballo aos afiliados da ONCE e dos materiais en préstamo para actividades de divulgación da tiflotecnología, accións formativas, etcétera.
- Área de atención ao usuario e comunicación. Entre as súas funcións, atópanse:
- A atención directa a usuarios de tiflotecnología, a través de teléfono, correo electrónico e calquera outro canle.
- A xeración de claves de activación para as aplicacións desenvolvidas polo CTI, así como a solicitude de reactivacións e actualizacións doutros programas informáticos.
- A atención ao servizo de televenta e o de venda de materiais de segunda man.
- O mantemento da páxina Web do CTI e do seu catálogo comercial tanto físico como en liña
- A difusión de información polas diversas canles existentes.
- É responsable da xestión do almacén de material tiflotécnico do Centro, asegurando o seu abastecemento continuo, o correcto almacenamento de produtos e a calidade dos mesmos na súa #poñer# ao dispor do cliente final, interno ou externo.
- Tamén lle corresponde a atención comercial á rede de Tendas-Exposición dos Centros da ONCE e a atención de pedidos recibidos no propio CTI.
- Área de soporte postventa. As súas funcións principais son:
- A reparación de equipos avariados propiedade de afiliados, de Centros da ONCE, ou de terceiros, comercializados por CTI.
- A revisión e reparación de equipos dispoñibles para a Adaptación de Postos de Estudo ou de Traballo.
- A realización dos controis de calidade do material destinado á venda.
- A coordinación dos procesos de reciclaxe de dispositivos eléctricos e electrónicos.
O Departamento de Consultoría e Innovación comprende as seguintes áreas:
- Área de desenvolvemento software. Xestiona proxectos de investigación de novas solucións de software accesible en diferentes ámbitos da tecnoloxía, nos que se participa con outras entidades públicas ou privadas.
- Área de avaliación e consultoría. Ocúpase da avaliación de dispositivos e soluciones hardware e software comercializados por outras firmas en España e o estranxeiro, de interese para os nosos afiliados. Cumpre, ademais, coa avaliación da accesibilidade en aplicacións corporativas.
- Área de asesoramento tiflotécnico. A súa función é a atención técnica aos Instrutores de Tiflotecnología e Braille. Tamén o asesoramento técnico a calquera entidade pública ou privada que desexe que os seus produtos ou servizos sexan accesibles para as persoas cegas ou con deficiencia visual grave.
- Área de deseño. Ten ao seu cargo o deseño dos produtos fabricados en CTI ou en colaboración con outras empresas.
- Área de produción. A súa función é a fabricación de produtos segundo a demanda do Departamento Comercial ou a doutras Áreas da Institución.
https://cti.once.es/