Proxectos

Presentación de mecanismos de cartón, madeira e pezas 3D, que representan diferentes transmisións de movemento automatizadas cun Arduino.

En que consiste o proxecto?

Os alumnos crean os mecanismos de cartón, e engádenlles compoñentes conectados a unha placa Arduino para poñelos en movemento.

Cal é a finalidade?

O proxecto consiste en divulgar sobre diferentes transmisións de movemento, e como podemos automatizalas cunha placa Arduino e varios compoñentes.

Como funciona?

Os mecanismos foron construídos con cartón, madeira e pezas impresas con impresora 3D. Cada mecanismo terá unha placa Arduino que dispoñerá dun sensor distinto (interruptor, sensor PIR, potenciómetro, sensor de inclinación) que activará o movemento do mecanismo. Os alumnos presentaranos en grupos de 4 (inicialmente, poida que ao final sexan menos, pero haberá un mínimo de 2alumnos por mecanismo) e presentarán 4 mecanismos distintos (de novo inicialmente, pode ser que ao final sexan só 3).

Que achega á Comunidade Maker?

A súa achega é a divulgación dun concepto simple e enormemente presente na tecnoloxía: a transmisión de movementos a través de mecanismos, ao que lle engadimos a automatización a través da programación dun Arduino. E todo iso realizado por alumnos de 1 ESO. Con este proxecto queremos visualizar que o uso de Arduino pode comezarse desde estes cursos (ou mesmo antes) e que pode dotarse de significado. Son os alumnos os que constrúen o proxecto, de modo que lles damos a oportunidade de crear e presentar, de gozar da programación e da súa divulgación. Cremos que é unha experiencia fantástica para eles, na que se demostran a si mesmos do que son capaces, e serven para motivar aos seus compañeiros para verse tamén capaces.

Quen o  realizou?

Equipo 1 Autómata con leva e rodas dentadas

Chloé Fuentes Nieto

Valeria Bueses García

Claudia Bueses García

Martina Ruzo Trillo

Equipo 2 Rodas de fricción

Silvia Martínez Rodríguez

Ánxela Pérez Ruíz

Inés Pico Mauleón

Marcela Cordo Márquez

Equipo 3 Levas excéntricas

Izan Vázquez Páez

Brandán López Baños

Miguel Curra Fernández

Martina Deaño Sobrino

Equipo 4 Parafuso sen fin coroa

Miguel López Núñez

Paulo Calvo Román

Teo González Gómez

Antón Táboas Tejada

Víctor Gago Martín