Nesta webinar presentaranse os 10 proxectos que acaban de ser seleccionados para participar na primeira edición desta incubadora.
A Incubadora HTA é un proxecto promovido pola Zona Franca de Vigo e o IGAPE e subvencionado polo FEDER a través da Fundación INCYDE, que está orientado a traballar con proxectos tecnolóxicos en fase semente. A metodoloxía específica do programa compleméntase coa metodoloxía da BFA e busca axudar a desenvolver proxectos que estean en etapas temperás de maduración para que poidan estar en mellor disposición de incorporarse á BFA grazas á incubación previa que facilita a súa posterior capacidade de aceleración.
