Obradoiros

A través destas mentorías queren axudar aos/as makers que teñen unha idea empresarial pero non saben como desenvolvela, como estruturar o seu modelo de negocio ou que queren crear unha empresa que sexa escalable.

Este encontro, que se celebrará do 20 ao 22 de novembro, persegue fomentar a creatividade e o desenvolvemento de videoxogos, así como servir de plataforma na que coñecer a xente e establecer relacións entre os distintos participantes.

Aprendizaxe de lóxica computacional e robótica a través dunha contorna virtual con Mbot. Profundarase sobre o concepto de programación, a definición de algoritmo, a contorna de programación, estruturas fundamentais de programación, mecánica básica e programación de robots, electrónica aplicada á programación (sensores e actuadores) ou simulación de manexo de robots.

Aprendizaxe da lóxica  computacional a través da elaboración de proxectos con Micro:BIT, unha tarxeta programable moi utilizada en Reino Unido e que teñen un gran potencial para desenvolver actividades STEAM na aula.

Neste taller aprenderás a lóxica computacional a través da elaboración de proxectos con Micro:BIT, unha tarxeta programable moi utilizada en Reino Unido e que teñen un gran potencial para desenvolver actividades STEAM.

Desenvolvemento dun videoxogo básico desde a ideación e estética ata a programación do mesmo. Profundarase no concepto de programación, a definición de algoritmo, traballásese con Interface Scratch, veranse as estruturas fundamentais de programación e dos videoxogos entre outros contidos.

Presentaranse diferentes exemplos de solucións matemáticas a problemas industriais reais e o correspondente valor engadido para a industria. A dixitalización dos procesos industriais como punto de partida para profundar a eficiencia e optimización dos recursos.

O fin da pobreza (ODS1), fame cero (ODS2) ou igualdade de xénero (ODS5) son algúns dos Obxectivos de Desenvolvemento Sostible marcados pola ONU. Estímase que, actualmente, 1.500 millóns de persoas en todo o mundo non dispoñen aínda da posibilidade de refrixerar os seus alimentos. Non ter acceso a unha neveira provoca que, maiormente as mulleres, teñan que estar atadas a cocíñalas día tras día, impedindo de maneira importante o seu progreso e desenvolvemento.

Neste taller os/as participantes achegaranse a un novo concepto da moda que nos próximos anos propiciará un consumo intelixente e sostible no sector. Recibirán información sobre novos materiais, impresión en 3D ou e-téxtiles e iniciaranse en novas metodoloxías, técnicas do it yourself e ferramentas dixitais necesarias para a creación de proxectos  vestibles.

Bruno Moya, o maker que está a democratizar o sector da realidade mixta con Glassear, ofrecerá un taller para aprender a crear unha app de realidade aumentada en tan só 1 hora. A través do uso de programas como Unity 3D ou Vuforia, Bruno axudaranos a crear unha aplicación móbil de Realidade Aumentada, paso previo para a introdución na realidade mixta.

Neste taller farase unha introdución á electrónica básica, electróns, circuítos básicos e traballarase a creatividade a través de plastilina condutiva e a elaboración de circuítos.

Neste taller farase unha introdución á ciencia espacial a través da experimentación con conceptos como a presión atmosférica ou a realización de reaccións químicas. Entre os temas para tratar estarán curiosidades sobre o universo ou a presión atmosférica. Finalmente elaborarase un foguete.

Neste taller repasarase a contorna de programación Makecode Arcade e como se pode aproveitar en educación para a creación de aplicacións temáticas. Veranse os factores que diferencian esta contorna doutras opcións e cales son os puntos fortes que poderían ser aproveitados en educación. Tamén se realizará un exemplo utilizando as funcións básicas da contorna creando un videoxogo sinxelo ou aplicación temática.

Neste obradoiro aprenderás a fabricar papel a partir de papeis xa usados (folios, xornais, revistas…) empregando materiais de uso habitual en calquera fogar. A actividade iniciarase cunha pequena introdución sobre a necesidade de alongar o máximo posible a vida dos recursos para evitar que se esgoten. De seguido, pasarase ao desenvolvemento da actividade. Durante a mesma, partirase de papeis xa usados, que serán triturados para a obtención dunha pasta. Prensándoa e deixándoa secar, obterase o papel reciclado final.

Neste taller impartiranse nocións básicas de Ciberseguridade para profesionais. Trataranse temas como a identificación de riscos, medidas a aplicar ou a reacción fronte a determinados problemas.

Neste taller os/as profesores/as aprenderán a ensinar robótica nos niveis iniciais de primaria, secundaria e extraescolares cun novo método chamado RIE. O novo proxecto de Robótica Integral Educativa foi desenvolto por varios profesores de robótica e coa experiencia acumulada de moitos anos na edición de libros técnicos de editorial Marcombo.

Aprende a subir datos dunha máquina directamente á nube cun PLC M262 en protocolo HTTPS a Machine Advisor.

Ismael Rozas, dsenvolvedor de Backend en IBM Research, axudará a entender que é a computación cuántica dunha maneira sinxela e para todos os públicos.

Neste taller aprenderás a construír un levitador ultrasónico sinxelo formado por dous emisores ultrasónicos opostos. Estes emisores pódense sacar facilmente dun sensor de distancia ultrasónico (tipo HC-SR04). Un  arduino xerará sinais cadrados de 40 kHz, estes sinais se amplificarán cun driver L298N e excitarán os 2 emisores. Entre os emisores crearase unha onda estacionaria capaz de manter pequenos obxectos lixeiros no medio do aire. Para suxeitar os compoñentes utilizarase un pequeno soporte impreso en 3D.

Neste taller impartiranse nocións básicas de Ciberseguridade para familias e educadores. Trataranse temas como o uso que fan os menores da internet, os riscos que se poden previr, a privacidade, identidade dixital e reputación en liña, ciberacoso ou como aprender a reaccionar fronte a segundo que problemas.

Durante esta actividade trasladarase a ludoteca tradicional ás pantallas para xogar en familia doutro xeito. Tratarase de adaptar diferentes xogos de mesa ao formato online simplemente con materiais que todo o mundo teña en casa, con moita imaxinación e creatividade.

Este taller serve de iniciación básica á electrónica e exploración de novas técnicas para a integración da tecnoloxía en téxtiles. O obxectivo é familiarizar aos educadores en novas metodoloxías e materiais para que estes poidan fabricar un prototipo dun dispositivo electrónico vestible.

Neste taller impartiranse nocións básicas de Ciberseguridade para mozas a partir de 14 anos. Trataranse temas como o uso saudable da internet, aprender a identificar riscos, trataranse temas como o sexting, o grooming, o acoso e como reaccionar fronte a diferentes problemas.

Neste taller poderás aprender a utilizar TWINCAT, un software que axuda a converter un ordenador nun equipo industrial, a través dun simulador en tempo real poderás seguir o paso a paso.

Neste taller falarase do efecto túnel, da dualidade onda-partícula, do efecto fotoeléctrico, do gato de Schroedinger, da predición de Dirac, do principio de indeterminación de Heisenberg e de Richard Feynman. Todo iso desde unha formulación anecdótica e fácil de comprender.

Neste taller exploraranse diferentes curiosidades das matemáticas desde unha perspectiva amena e fácil de comprender. Falarase de números, de como contar, de infinitos, de xeometría, de topoloxía, e de como a natureza segue paso a paso a doutrina dos números. Finalizará cunha impresionante anécdota do xenio matemático que foi Gauss.