LimitLess é unha empresa envorcada 100% na fabricación aditiva. Fabricantes de impresoras 3D propias e de proxectos a medida, tamén ofrecen servizos de impresión 3D profesional, desktop e industrial así como servizos de enxeñería e deseño 3D.
Na pasada edición da Maker Faire Galicia foron os gañadores do primeiro premio no concurso de proxectos das xornadas da industria coa súa impresora 3D farmacéutica, implantada xa en laboratorios de todo o mundo.
Este ano presentan unha nova versión 3.0 da súa exitosa impresora ILC, que tras máis de 2 anos e medio no mercado aparece con novidades de conectividade e interfaces, mellora de materiais e fiabilidade.
