Covid-19 Personal Cumulative Risk Index Tracker é un dispositivo portátil inalámbrico de baixo custo, deseñado para axudar a manter a distancia social e coñecer o risco acumulado de exposición en contornas potencialmente perigosas en relación á COVID-19.
Ferrán Fábregas inspirouse nos clásicos dosímetros de radiación, que aparecen en multitude de documentais e películas, para deseñar este dispositivo que permite medir a distancia interpersoal e coñecer o fluxo de persoas coas que estiveches en contacto durante toda a xornada.
Este dispositivo capta os sinais emitidos polos dispositivos inalámbricos, recoñecendo a súa intensidade, densidade e variabilidade, o que lle permite coñecer o fluxo de persoas ao noso ao redor e, xunto cos datos en tempo real dos casos de infección local, é capaz de crear un índice acumulativo de risco de exposición. En base a este índice indicaranos en que tipo de contorna atopámonos, risco baixo, medio ou alto, e permitiranos estar atentos para axustalo e minimizar novos riscos.
