Deseño e Son é un proxecto inclusivo que utiliza a tecnoloxía como ferramenta de axuda para atender necesidades especiais e visibilizar outras realidades.
A través do modelado e impresión 3D e a programación de aplicacións os/as alumnos/as do IES Zalaeta e de CEE Nosa Sra. de Lourdes, en colaboración coa fundación ONCE, Aspronaga e Aspanaes, desenvolveron varios traballos entre os que se atopan a creación de mapas táctiles e pezas para aprender braille, a adaptación de xogos tradicionais e o deseño de aplicacións para facilitar a comunicación interpersoal.
