Ergonmik é unha lixeira, transportable e útil pinza que o usuario pode colocar no seu computador portátil para detectar a súa posición corporal ou postura corporal. Se o usuario non mantén unha correcta hixiene postural a pantalla do seu computador apagarase automaticamente.
Trátase dun sensor de ultrasóns que permitirá saber onde está situado o usuario para apagar o seu portátil cando estea situado moi preto. Tamén utiliza un potenciómetro para configurar o tamaño da pantalla, un sensor de luz para os usuarios que utilizan o computador ás escuras e un arduino para configuralo. Todos estes mecanismos concéntranse nunha discreta caixiña que se coloca encima do computador portátil do usuario.
