Dada a situación actual de pandemia e as continuas normativas ás que temos que adaptarnos, este proxecto busca comunicar as normas de prevención COVID a través do robot Ozobot.
Este proxecto realizouse con alumnos de educación infantil, co obxectivo principal de repasar as normas sanitarias establecidas no protocolo COVID a nivel educativo. Ao mesmo tempo este proxecto permite traballar a lateralidade. De igual modo serve como sistema de avaliación, aplicada tras varias sesións de recordo das medidas, resultando motivadora xa que os propios alumnos participan na súa montaxe.
