O proxecto IESS ou Instituto Ensino Secundario Seguro xurde dentro das medidas de adaptación ao contexto da COVID-19, co fin de crear espazos seguros dentro de centro educativo que reduzan o contaxio do virus SARS-COV2.
Con este proxecto preténdese impulsar as habilidades STEM (Ciencia, Tecnoloxía, Enxeñaría e Matemáticas) do alumnado, ao mesmo tempo que se buscan ideas enxeñosas para aplicar a tecnoloxía fronte esta pandemia. Algunhas das ideas que xurdiron foron as taquillas sen chave, abrir as portas sen chaves ou acceder a ordenadores con tarxetas sen necesidade de tocar o teclado.
