O proxecto consiste en construír un robot que limpe as placas solares a partir dunha impresora 3d Obsoleta, pezas deseñadas en 3d e materiais reciclados.
En que consiste?
O proxecto consistiu en deseñar e construír un robot con pezas deseñadas en 3D e materiais reciclados, co obxectivo de limpar placas solares. Para iso, utilizáronse recursos disponibles no centro, como unha impresora 3D, motores paso a paso, tornillería e ferramentas, entre outros.
O proxecto dividiuse en varias sesións, empezando por unha investigación en bases de datos e
unha sesión de brainstorming para definir as necesidades do proxecto. Logo realizouse a planificación do proxecto, aprendeuse a utilizar ferramentas de deseño 3D, se ensamblaron todos os compoñentes do robot e programouse con Arduino.
Finalmente, avaliouse o robot para asegurarse de que cumpría co obxectivo marcado. A experiencia previa en programación e deseño 3D do colexio foi de gran axuda para o desenvolvemento do proxecto.
Cal é a finalidade?
Solucionar o problema de limpeza que ten o noso centro co parque solar que se instalou hai un ano. Ademais de solucionar o devandito problema nós desenvolvemos novas destrezas en relación á programación, deseño e impresión 3d e electrónica.
Como funciona?
1. Deseño 3D: Utilizáronse aplicacións de deseño 3D gratuítas para crear as pezas do robot.
2. Impresión 3D: Utilizouse unha impresora 3D para imprimir as pezas deseñadas.
3. Programación: Utilizouse a linguaxe de programación Arduino para programar o motores paso a paso e controlar o movemento do robot.
4. Motores paso a paso: Utilizáronse motores paso a paso para controlar o movemento do robot e para o cepillado das placas solares.
Que achega á Comunidade Maker?
Este proxecto achega varios beneficios á comunidade educativa. En primeiro lugar, permite aos estudantes desenvolver habilidades no deseño e construción de robots e na programación con Arduino, o que lles prepara para futuras oportunidades en campos como a enxeñería, a tecnoloxía e a informática.
Ademais, o uso de materiais reciclados e a impresión 3D demostran unha mentalidade sostible e conciencia ecolóxica nos estudantes, fomentando valores de coidado e respecto cara ao medio ambiente.
Por último, a creación dun robot que limpa placas solares pode ter aplicacións prácticas e beneficiosas na comunidade, especialmente en rexións con altos índices de enerxía solar, onde manter as placas limpas pode aumentar a eficiencia enerxética e reducir custos. En resumo, este proxecto achega tanto a nivel educativo como social e ambiental.
Quen o realizou?
9 alumnas entre 11 e 12 anos en colaboración co seu profesor.
Todolos dereitos reservados. Maker Faire Galicia, 2024
Powered by Tu Evento Online