Charlas

Mariana Senín Santiago

https://www.instagram.com/nails__out/

Graduada en Historia da arte e fundadora de Nails Out, un proxecto que xorde do interese por explorar as posibilidades da nail art como disciplina artística. Para ela, a manicura é un medio de expresión a través do cal involucrar referencias de mundos como a pintura, a ilustración ou a moda.

Natural de Pontecesures e residente en Santiago de Compostela, ao longo do seu percorrido ten colaborado con diferentes espazos creativos e multidisciplinares en cidades como A Coruña, Ourense, Oviedo ou Barcelona. Ademais, recentemente iniciou o seu percorrido como formadora da man da Escola Unitaria (Santiago de Compostela), na que impartiu obradoiros de nail art e creatividade.

Información do proxecto:

Nails Out é un proxecto derivado do interese pola nail art como disciplina alén dos canons estéticos ou de xénero. A idea parte da concepción da manicura como xogo creativo que permite experimentar cos materiais e plasmar referencias visuais de todo tipo en pequenos lenzos que acompañan a quen os leva no seu día a día.