O medio ambiente e a sustentabilidade converteuse nunha das maiores preocupacións da nosa sociedade. Neste contexto, tecnoloxía e ciencia uníronse para desenvolver solucións que melloren a calidade de vida e protexan o planeta.
Precisamente neste ámbito é onde Esther Suárez e Diego Castro, dous estudantes do IES Ponteceso e das Aulas Científico-Tecnolóxicas Isidro Parga Pondal, da Fundación Eduardo Pondal da Coruña, presentaron un proxecto altamente innovador que foi recoñecido a nivel nacional e internacional.
"Nunca choveu que non escamapara", así se chama o seu proxecto, busca evitar os efectos das inundacións mediante un sistema de detección de inundacións. Con el, estes dous mozos galegos gañaron o concurso nacional do Stockholm Junior Water Prize (SJWP) e representaron a España na quenda internacional do concurso celebrado en Estocolmo en agosto de 2022.
O proxecto consiste nunha estación de control de caudal e nivel de auga, en puntos concretos da conca hidrográfica da zona a vixiar, que vixia o nivel do río, de forma que, en función das variacións rexistradas, un cultivo na súa parte baixa.
Este proxecto está feito con Arduino, incorporando un sensor de ultrasóns utilizado para medir a distancia á auga, e un sensor de temperatura e humidade DHT11. Con eles, determinan cando se producirán as condicións máis favorables para as inundacións. A vixilancia é totalmente sen fíos e conta con dúas estacións, un transmisor encargado de recoller os datos e un receptor que mostra e procesa a devandita información, indicando o alto ou baixo risco de inundación. As estacións son autónomas e contidas en estruturas impermeables impresas en 3D.
Esther e Diego compartirán o seu proxecto con todos os asistentes durante a xornada educativa da Maker Faire Galicia 2023, que se celebrará o 2 de xuño no Museo do Gaiás.
