Desde a organización da Maker Faire Galicia, non podemos estar máis orgullosos de anunciar, como un dos hits desta edición, a José Gago (Pontevedra, 1996), gañador da competición das Xornadas da Industria 2020 e dúas veces gañador das Xornadas Abertas coa Asociación Scienceffect.
Este Maker e estudante de medicina na USC, leva desde o instituto participando en certames nacionais e internacionais relacionados coa ciencia e a tecnoloxía. No ano 2019, presentou o seu proxecto Bactidec ao coñecido programa de emprendemento Explorer, resultando gañador a nivel nacional e viaxando a Silicon Valley para coñecer de preto as Startups máis potentes do momento.
BactiDec é un dispositivo espectrofotométrico de baixo custo que permite ao cirurxián ou cirurxiá coñecer en tempo real o número de bacterias presentes na ferida cirúrxica mentres dura a intervención, permitindo anticiparse e previr posibles infeccións posquirúrxicas.
Na súa charla José contaranos como xurdiu a idea, a importancia do mundo maker no seu desenvolvemento, en que punto se atopa agora o proxecto ou todo o que aprendeu durante esta aventura.
Se queredes saber ata onde pode chegar a unión entre a ciencia e o mundo maker, non vos perdades a charla de José Gago o próximo 3 de xuño.
